Напрыканцы года прынята падводзіць вынікі літаратурнага жыцця краіны, вызначаць, якія з новых кніг найбольш спадабаліся, якія з іх мы возьмем з сабой у год наступны, будзем чытаць і перачытваць. Мы ж прапануем чытачам «Звязды» звярнуць увагу не толькі на новыя выданні, што пабачылі свет сёлета, але і вярнуцца да класікі. У нашым залатым тузіне згадаем самыя знакавыя кнігі стагоддзя — тыя, за якія сапраўды не сорамна беларусам і ў якіх выявіўся наш нацыянальны характар, менталітэт. Магчыма, гэты рэйтынг будзе крыху суб'ектыўным, некаму ён нагадае пра школьную праграму, але спадзяюся, што большасць нашых чытачоў усё ж звернуцца да згаданых твораў.

2017 год абяцае быць багатым на яркія культурныя праекты, шырокія нацыянальныя святы і літаратурныя імпрэзы.

Думаецца, многія з іх пройдуць пад зоркай сёлетняга юбіляра, народнага паэта Беларусі Янкі Купалы. 135-годдзе класіка наша краіна пачне адзначаць ужо сёння. Так, увечары ў Дзяржаўным літаратурным музеі паэта будзе дадзены пачатак сапраўднаму святочнаму марафону. У юбілейны год плануецца мноства праектаў, акцый, якія стануць данінай павагі і памяці аднаму з найлепшых нацыянальных паэтаў.

Чытанне лічыцца адным з самых карысных хобі для дзяцей: развівае фантазію і творчае мысленне, дапамагае на інтуітыўным узроўні засвоіць граматычныя і арфаграфічныя правілы. Бацькі маюць быць прыкладам для дзяцей у многіх справах, і чытанне не выключэнне!
Даследаванне, праведзенае Кіліян Мулан, навуковым супрацоўнікам Даследчага цэнтра сацыяльна-палітычных навук Універсітэта Новага Паўднёвага Уэльса, дазволіла зрабіць вынік, што самыя захопленыя хлопчыкі-чытачы гадуюцца ў сем’ях, дзе захапляюцца чытаннем таты. У дзяўчат-чытачак як правіла чытаюць матулі. У няпоўных сем’ях, дзе дзяцей выхоўвае толькі маці, яе любоў да чытання ў аднолькавай ступені ўплывае як на дачок, так і на сыноў.