- Падрабязнасці
- Катэгорыя: Галоўная старонка
На нацыянальным адукацыйным партале http://adu.by адкрылася новая віртуальная інтэрнэт-пляцоўка «Кніга_Log». «Кніга_Log» – сумесны праект Навукова-метадычнай установы «Нацыянальны інстытут адукацыі» Міністэрства адукацыі Рэспублікі Беларусь і часопіса «Полымя» (РВУ «Выдавецкі дом „Звязда“»). Ідэя гэтага праекта доўгі час выношвалася стваральнікамі, нягледзячы на кляймо неактуальнасці, пастаўленае аматарамі хуткага «стрававання» (інтэлектуальнага, эмацыйнага, эстэтычнага).
- Падрабязнасці
- Катэгорыя: Галоўная старонка
Купалаўскі запаведнік «Вязынка» чарговы раз прымаў гасцей свята нараджэння народнага паэта Беларусі. Падобныя мерапрыемствы на малой радзіме Янкі Купалы ладзяцца ўжо сорак пяць гадоў як дні высокай паэзіі, музыкі, прыкладнога мастацтва, душэўнага адпачынку і міжкультурнага дыялогу. Сваю назву вёска атрымала ў гонар 90-годдзя з дня нараджэння Янкі Купалы ад наймення былога фальварка, у якім нарадзіўся паэт.
- Падрабязнасці
- Катэгорыя: Галоўная старонка
Класіка беларускай паэзіі і раней перакладалі ды прапагандавалі ў Сербіі, з якой у беларускай літаратуры лучнасць самая цесная.
А вось толькі што асобным выданнем выйшлі ў свет пераклады, здзейсненыя Даянай Лазаравіч. «Вянок» па-сербску стаў і падсумоўваннем пэўных зацікаўленняў літаратара ў яе вывучэнні беларускага прыгожага пісьменства. Даяна Лазаравіч — ужо вядомы ў Бялградзе і Мінску літаратуразнаўца. У гэтым годзе яна абараніла магістарскую дысертацыю па бібліяграфіі беларуска-сербскіх сувязяў. Між іншым, першую ў краіне. Так што, сёлета ў Даяны — адразу дзве значныя падзеі: выданне сербскага «Вянка» і выданне бібліяграфічнага даведніка. У розных перыядычных выданнях яшчэ раней былі надрукаваны пераклады паэзіі Петруся Броўкі, Уладзіміра Караткевіча, Анатоля Грачанікава, іншых беларускіх мастакоў слова.
- Падрабязнасці
- Катэгорыя: Галоўная старонка
У наш высокатэхналагічны час Вы можаце выпісваць свае любімыя часопісы "Маладосць" і "Бярозка" ў PDF-версіі.
Каб аформіць падпіску, трэба перайсці на сайт Выдавецкага дома “Звязда” (http://zviazda.by/be), на галоўнай старонцы націснуць “Падпіска”, далей перайсці па спасылцы падпісацца на PDF-версію. У меню выбраць пажаданае і аформіць падпіску.
- Падрабязнасці
- Катэгорыя: Галоўная старонка
Якуб Колас быў заўзятым грыбніком, любіў мочаныя яблыкі і сам гатаваў настойкі. Цяпер наведвальнікі маюць магчымасць зазірнуць у склеп сям'і Міцкевічаў і пабачыць, якія прадукты там захоўваліся зімою і былі на стале ў класіка. Незвычайная экспазіцыя, якая так і называецца — «Склеп», працуе ў Дзяржаўным літаратурна-мемарыяльным музеі Якуба Коласа. Таксама да 135-годдзя песняра адкрылася выстаўка фотаздымкаў 1901—1956 гадоў з фондаў музея, тут знакаміты паэт зноў жа паўстае простым, хатнім.
