17 мая 2018 года ў Нацыянальным інстытуце адукацыі адбудзецца рэспубліканскі семінар «Рэалізацыя кампетэнтнаснага падыходу пры навучанні беларускай мове і літаратуры ва ўстановах агульнай сярэдняй адукацыі (5–11 класы)».

Для ўдзелу запрашаюцца настаўнікі беларускай мовы і літаратуры ўстаноў агульнай сярэдняй адукацыі, спецыялісты органаў кіравання адукацыяй, спецыялісты сістэмы дадатковай адукацыі дарослых.

 

Праграмай семінара прадугледжаны наступныя пытанні для абмеркавання:

Тэарэтычныя асновы рэалізацыі кампетэнтнаснага падыходу пры навучанні беларускай мове і літаратуры ва ўстановах агульнай сярэдняй адукацыі.

• Фарміраванне прадметных кампетэнцый у працэсе навучання беларускай мове ў 5–9 класах устаноў агульнай сярэдняй адукацыі.
• Кампетэнтнасна арыентаваныя заданні пры навучанні беларускай мове і літаратуры.
• Рэалізацыя кампетэнтнаснага падыходу пры навучанні беларускай мове і літаратуры на базавым і павышаным узроўнях.

 

Па выніках семінара выдаюцца сертыфікаты.

 

Жадаючым прыняць удзел у працы семінара неабходна да 16 мая 2018 года даслаць заяўку па прыведзенай форме на электронны адрас: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..

 

Больш падрабязная інфармацыя аб семінары – у інфармацыйным лісце.

 Аўтар: НІА